Litt oppsummering av siste vekene! Som sagt fekk Busy løpetid to månader etter da eg forventa.... Reiste til Hyssna i Sverige 15 januar. Hadde då ikkje heilt bestemt meg for kva hanne eg skulle bruke - eg ville bruke tricolour, og hadde då to valgmoglegheiter. Sidan Busy ikkje er den enklaste tispa å pare, valde me å satse på Rasmus, som er ein erfaren gut! (Sonen Eric, som har blitt ein nyyydeleg hund, er ung, og hadde ikkje para nokon før, og då var da litt urettferdig å la han få første forsøk seg på ei litt sær dame på da området....) Rasmus vart forresten Svensk utstillingschampion helga før eg reiste nedover!! Han er 39 cm, HD-fri, fri på auga og har alle tenner. I tillegg har han eit fantastisk gemytt, er sosial og fin mentalt:-) Håper han kan gje nokon fine avkom i kombinasjon med Busy, som er ca 36 cm, HD-fri, fri på auga, og elles er ei trygg og uredd jente, som eeelsker å jobbe og gjer alt for ein godbit:-) Busy har opprykk til LP kl 2, er starta i agility og trenast og i spor.

Frå dag 1 etter paring, har Busy oppført seg annleis..... Dette skal jo ikkje være mogleg, men det er ikkje desto mindre eit faktum. Ho, som helst skal være raskast, best, flinkast og først i alt ho gjer, begynte å gå bakarst på tur, være rolegare, litt meir bedageleg, kunne gå bak dei andre og slikt. Så det verkar som ho er drektig, utifrå oppførsel.... men so tenkjer eg - sidan ho er so desidert annleis enn ho pleier, så er det naturleg å tenkje at ho ER drektig. Men kanskje ho då nettopp IKKJE er drektig?? Kanskje det no er min tur til å få ein tom tispe.... Vel - tida får vise! I morgon er det 3 veker sidan paring, og i løpet av eit par veker bør eg ha eit svar.... Dei gonger eg har hatt drektige tisper, har dei ofte verka litt småkvalme ved frukostserveringa ved rundt 3 veker (men ikkje alltid), så eg er spent på om da kjem t å skje... Eg pleier ikkje å ta ultralyd. Tykjar det er ein god del utgifter med da som er, og det vil jo før eller seinare vise seg om dei er drektige eller ikkje. Så eg har ikkje umiddelbart nokon planer om å gjere da no heller.