Av forskjellege grunner har det vore stille og veldig lite trening på LP-fronten sidan Ølen i 2010. Men sidan vår lokale hundeklubb skulle ha klubbmesterskap i LP 14 juli, MÅTTE me jo berre få gang i treninga! Sidan Emma har overteke Busy i agilityen, og dette fungerer kjempebra, så er da like greit at ho og tek seg av lydigheita. Så me valgte å melde Emma og Busy på i kl 1, og eg og Kiwa i kl 2. No har det jo kommt nye reglar i begge klassane, etter at eg konkurrerte sist, og det betydde at begge hundane no fekk øvelsar som ikkje var med sist. For Busy sin del betydde det at fri ved foten no var vekke, stå under marsj var litt annleis, og i tillegg var det no "kontroll over hunden på avstand" med i kl 1. Den har eg trent ho på, og rekna med at det skulle gå greit. For Kiwa var det nye no at det var fremadsending til ruta, i staden for ut til kjegla, og det kan ho definitivt ikkje.... Ho manglar nok eit bilde av dei 4 kjeglane... ho går ut i ruta m musematte, men når eg fjerner den skjønner ho ingenting. Reknar med at ho rett og slett ikkje greier å sjå samanhengen mellom kjeglene og det ho gjer - for ho er det musematta som gjeld, og når den er vekke - kva då? Min tanke var å gjere ruta mindre, og såleis gje ho eit tydelegare bilde av kjeglane. Men eg rakk slett ikkje å gjere dette ferdig til konkurransen...

Emma og Busy starta først. Fullførte eit flott program, med flott poengsummar. Busy var skikkeleg på nett under - og mellom - øvelsane, og det var kjempegøy å sjå på:-D Dei fekk 177 poeng, og enda opp med å bli klubbmester nr 3, og nr 2 i klassen!! Skikkeleg bra:-D Her er bilde av dei tre beste: klubbmester Eva Røneid og Frøya, nr 2: Inger Handegård og Xmilla, og nr 3: Emma og Busy:-))

Eg og Kiwa fekk 2 nullar: i fellesdekk, som eg ikkje har trena i 1.5 år, og som ho ikkje er trygg på, samt i ut til ruta, som ho jo heller ikkje kan. Det var ikkje alt som var like vakkert, men ho var "med" heile tida, og det at eg var nyoperert i eit kne, og dermed halta, gjorde nok sitt til at heile situasjonen vart noko annleis. Me vart totalt nr 8, og nr 3 av 3 i klassen (trur eg). Alt ialt ein triveleg dag!