Så har da på nytt gått alt for lenge utan oppdatering:-((( No er eg ganske unnskyldt, for grunnen er at eg pga nytt kjøkken har måtta tømme det gamle kjøkken/allrom fullstendig, også skrivebordet med PCn. Og sidan alle programmer til oppdatering av heimesida ligg på PCn min, greier eg ikkje å gjere dette frå andre maskinar. No har me endeleg fått til ein midlertidig løysing, så no håper eg at eg skal få til å legge ut litt nyheiter av og til:-)

Exo, Eve og Ezzo er no 8.5 veker gamle. Alle tre er framleis her hjå oss. Eg har bestemt meg for å behalde Eve inntil vidare, for å sjå korleis ho utviklar seg. Eg er kjempefornøyd med ho mentalt; og tykjer og at ho er ei vakker jente. Ho la på seg berre så vidt ørlite meir enn det som er ynskjeleg frå 5-8 veker, men ho er nok litt grov i hodet, og det KAN bety at ho blir i største laget. Men har eit nydeleg uttrykk og vakre, mørke auge:-)

Exo er no seld til ein familie i Bergen, men han skal bli hjå oss eit par veker til. Han er framleis den rolegaste i kullet; utruleg sjarmerande, og fotogen har han vore frå dag 1! Han er ingen tøffing, men ein litt beskjeden gutt, som tenkjer seg litt om før han våger seg ut på ting. Men så er det plutseleg situasjoner, der han glimter til og er først ute med nye ting. Som idag, når eg sat ute på trappa og kvelpane var med meg. Så begynte han plutseleg å hoppe ned, eitt og eitt trinn, og gjekk ut i hagen:-) Seinare var me nede i redskapshuset - eit stort lagerbygg, der alle maskiner og redskap samt diverse anna står under tak. Det er så innmari glatt ute, berre blanke isen overalt, og det tykjer kvelpane ikkje er noko gøy, så difor tok eg dei med inn dit. Der er det og katter og fuglar inne, og det er berrt og mykje spennande lukter. Og der tykte Exo at det var skikkeleg spennande! Han gjekk rundt og utforska, og hadde det kjekt!

Ezzo har utvikla seg mykje siste vekene. Han blir berre finare og finare:-) Ganske mørk maske, vakre små auge, som er mørke, mørke brune. Små nette øyre som er plasserte høgt på hodet. Rett og slett bedårande! Han er ganske tøff av seg, utforskar uredd det meste, og tykjar livet er gøyalt! Han har no blitt flink å gå opp trapper, men har ikkje skjønt korleis ein går ned endå.... Han er ganske aktiv, og tykjar ikkje noko særleg om fx å ligge på rygg i fanget og klippe klør. Men må nok lære seg at det ikkje går an å kave seg fri frå noko, men heller at det lønner seg å være roleg, for å få sleppe..... Ellers er han veldig sosial og utadvent.

Idag har me vore den lange vegen til Lillehammer for å komme til ein veterinær som har spesialisert seg på å augelyse kvelpane. Det tek omtrent 5 timar kvar veg på vinterføre, så me starta dagen grytidleg. Sto opp kl 5.15, for eg ville fore kvelpane i god tid før bilturen - som var deira aller første - og ha tid til å være ute med dei og få dei godt trøytte, så dei forhåpentleg kunne sove i bilen. Me starta og køyre kl 7. Til å begynne med var det nok ein del piping, men det tok berre eit kvarters tid før det vart stille. Eg stoppa ikkje før på ferja, etter ein og ein halv times køyring. Då hadde ein kvelp spydd bitte litt, så eg skifta teppe. Me kom fram berre litt før eitt, då me hadde time. Først fekk alle ein runde på bordet og fekk sjekka linsa i auget (alle utan anmerking) før dei fekk dråper m bedøvelse på augene. Så venta me ein halv time, og så vart det helseundersøkelse med lytting på hjertet, sjekk av auge, øyrer, ganer, testiklar mm. Etterpå fekk dei lyst augene for å sjekke CRD og colobom, pluss andre tilstander som feilstilte augevipper. Alle var fri for CRD (som forventa sidan pappa ikkje har gitt dette på nokon avkom før, og dermed kan reknast for å være genetisk fri) og hadde heller ikkje andre feil, så det var supert:-D Til slutt vart dei vaksinerte og ID-merka.

Ikkje uventa var Exo veldig medgjørleg og grei, fann seg i tinga utan å kny, og la seg og sovna etterpå. Ezzo protesterte inderleg mot å bli heldt fast så veterinæren kunne augelyse, men det hjelpte ikkje, og då fann han vel ut at det fekk stå til;-) Eve vart siste "under kniven" og ho hylte ganske uavbrutt av frustrasjon over at det skjedde spennande ting ute i gongen, som ho ikkje kunne ta del i..... Hadde buret ståande i døråpninga, for rommet var lite og med dårleg ventilasjon, så veterinæren ville gjerne ha den åpen. Dermed kunne ho stå inne i buret og sjå på hunder som gjekk forbi og folk... Grusomt tykte ho! Ho var og den som hylte mest under ID-merkinga, men ho var forholdsvis grei å augelyse.

Kl 15.20 var me ferdige, betalte den nette sum av 4650 kr, og kunne starte den like lange turen heim. Det var vinterføre og ganske glatt, så det gjekk ikkje fort med oss. Heldigvis sov kvelpane godt, så eg køyrde oppover Valdres, og fann så ut at eg skulle høyre om Gudrun og Cing (ein kvelp frå mitt C-kull) var heime, så me kunne ta oss ein stopp. Det var dei, så me køyrde dit, og tok oss ein pause. Kvelpane fekk helse på Cing, og dei hadde det ganske så gøy på kjøkkenet i ein times tid:-) Cing var veldig grei med dei og selskapssjuk, så dette var god trening for alle fire! Så reiste me vidare - igjen sov kvelpane, og det var ikkje ein lyd før me var heime halv elleve om kvelden.

Alt ialt ein slitsom, men opplevelsesrik dag. Eg kvir meg alltid litt, men det går som regel veldig greit:-)

Uff og uff! Klarer ikkje å skjønne at det har gått to veker uten oppdatering! Det er berre å skjemmast, men det har vore travle dager, og når det er travelt, velger eg å prioritere tid med kvelpane i staden for å sittje framfor PCn....... Uansett - dei er no 6 veker gamle, og no er dei vel så søte som det går an å bli! Skikkeleg sosiale alle tre; dei skrik av frustrasjon når dei er i kvelpegrinda og vil berre ut og prate med folk, og utforske verden! Dei er veldig harmlause og, blir ikkje øydelagt mykje etter dei, så slik sett kunne dei godt ha gått fritt rundt i huset. Men så er det no tryggare å ha dei på ein mindre område, når dei er uten tilsyn. Når det er folk inne, går dei alltid fritt omkring:-)

Hadde egentleg tenkt at dei skulle få ut for første gong idag, men så vart da ikkje.... Før snødde da i dagesvis, skikkeleg blaut og tung snø, så då valgte eg å avvente litt. No er da opphaldsvèr, men - 15-18 grader, og det er kaldt for ein liten skrott!! Me HAR fått att soli, men ho skinn her kanskje i 10-12 minutt, og eg rekker nesten ikkje å få dei ut på den tida.... Ikkje rekker soli å varme noko heller! Men me får sjå i morgon.

Så langt har eg vore kjempefornøyd med Busy. Ho er nok ein litt strengare mor, kva angår mjølkeservering, for dei får ikkje lov å gå og småsyge titt og ofte, slik som Kiwa hadde for vane. Men NÅR ho først finner det for godt, går Busy bort og legger seg skikkeleg ned i kvelpekassa, og så syg dei godt og lenge. Og så går da ein god stund til neste gong. Men det er faktisk veldig greit, for dei er då skikkeleg svoltne når dei får mat, og det er deilig. Dei får no 4 måltidar for dagen, der oppbløytt kvelpefor er hovedregelen, men eg varierer med ris og innmat, skive med leverpostei eller litt middag, dersom me har ete noko som er egna for små kvelpemager:-)

Kvelpane har og vore på vekta idag, og no blir det spennande og sjå kor mykje dei legg på seg kvar veke! Så har dei fått klippt klør igjen, og så tok eg saksa og klippte dei litt rundt potene. Hann 1 og tispa har ganske mykje pels, og det gjer seg med litt stell! Eg legg dei no på rygg i fanget når eg steller dei, men idag var det skikkeleg protester frå tispa og lillegutt, som slett ikkje tykjer dei har tid å ligge der!! Hann 1 er litt rolegare anlagt, og finn seg ganske greit i behandlinga...

Så har det gått endå ei veke og kvelpane er no 4 veker gamle! I veka som har gått har det skjedd store forandringar: dei har flytta inn i stove/kjøkkenet og er no ein del av det som skjer i familien:-) Siden kvelpekassa mi er ganske stor, blir det for trangt å ha den ståande, så dei held no til i ei pappøskje, i påvente av ein mindre trekasse. Det fungerer heilt fint for dei små, men tante Diva tykjer det er ganske deilig å tygge på ei slik øskje, så ho har nok ramponert den litt:-o Men ho er veldig grei med dei små; dei kravler rundt på ryggen hennar medan ho ligg og tygger, og ho finner seg i mykje frå dei! Ho KAN bli litt hardhendt, viss ho er i det leikne hjørnet sjølv, så då må eg passe litt på. Men ellers er ho berre snill:-)

Dei har og begynt å ete mat sjølv. Får no 3 måltidar for dagen, og kjem til å auke til 4 om ein dag eller to. Dei elsker mat, og det viser på vekta, som går stadig oppover:-) Dei syg framleis av mamma og, og ho er utruleg flink med dei. Har vaska og rydda etter dei, og det er først no siste par dagane at det ligg tiss og bæsj etter dei; ellers har Busy helde da gullande reint!

Har fått sterke tilbakemeldingar på at det er for dårleg med oppdatering her på heimesida, og eg lover å prøve og skjerpe meg!! Til mitt forsvar har eg siste vekene hatt bihulebetennelse, og først no - godt igang med min andre antibiotikakur - er eg så smått begynt å komme meg ovanpå igjen! Desutan har eg lagt ut ein del bilete på Facebook med jamne mellomrom.... Men her er i alle fall siste nytt frå kvelpekassa^^,

Så er det allerede 3 veker siden desse søte små kom til verda! Bittesmå og skrøpelege var dei, og no er dei runde, aktive og utforskande alle tre:-D Siste veka har ellers vore prega av litt ny bekymring. Minsten fekk plutseleg eit par små flekker på ryggen med tynnere pels. Det såg ut som det var litt snaue flekker. Dette bredte seg ganske raskt, og etter nokre dagar (mondag) reiste eg ut til oppdrettarveninne Inger, så ho fekk sjå på han. Ho konstaterte at det var dekkhårene som knekka av, slik at berre underullen var att. Ho skjønte heller ikkje kvifor dette skjedde, så me tok ein tur opp til veterinær Olav, så han kunne få komme med sin meining. No er ikkje pels og hud eit enkelt og lettfatteleg tema, og heller ikkje han skjønte heilt kva dette var og kvifor det skjedde. Teorien, som verkar mest sannsynleg, er at det er ein reaksjon på antibiotikabehandlinga han fekk for ei stund tilbake. Sidan han i bunn og grunn verkar frisk og utviklar seg på lik linje med dei andre, gjer me ikkje noko stort ut av det inntil vidare. Han får ein liten dose B-vitamin, som evt kan gjentas, men ellers ser me da an. I skrivande stund har det vel ikkje vorte noko verre, så eg håper det no har stoppa opp, og ikkje blir verre.

Idag er kvelpane 2 veker gamle. Dei veks og veks, et og et. Minsten og tispa har firedobla vektane sine på desse to vekene, og det har nesten storegutten og! Fantastisk:-) Dei har no små sprekker til auge, og begynner å bli skikkeleg sjarmerande:-) Denne andre veka har vore veldig fin. Til å begynne med måtte eg framleis hjelpe minsten med å halde balansen når han saug, men no greier han seg sjølv. Berre passar på at ikkje dei to hine, som er ein god del større enn hen, yter han vekk. Eg ligger på kvelparommet endå; er vaken fleire gonger om natti og sjekker at alt er bra, og gleda er like stor kvar gong eg ser at minsten ligg og syg ilag med dei andre:-D

Ny dag, og har stort sett berre positivt nytt å fortelja:-D Begge gutane kom seg allerede etter få timer etter behandlinga. Spesielt minsten, som var både slapp og pjusken og sjå på, vart fort kvekare. Surklar nok i pusten begge to fortsatt, spesielt etter at dei hår sugd ei stund. Men almentilstanda er god, dei er blanke og fine i pelsen igjen begge to, så eg håper det kjem seg. Som eg sa igår, likte eg ikkje Busy i det heile teke. Veit ikkje korleis eg skal forklare det, men antakeleg fornemmar Kiwa også noko, for på kvelden kom ho igjen oppi kvelpekassa og tok seg av dei små. Så vart Busy betre igjen i løpet av natta, og Kiwa trekk seg tilbake igjen... Er ikkje i tvil om at ho har hjelpt meg mykje, og at ho tek den jobben mykje betre enn eg hadde klart!

Idag har alle verka i fin form. Busy et, steller sine små med stor omsorg, og er i godt humør. Og dei søte små et, og veks. Midt på dagen måtte eg berre nett sjekke minstemann og då var han 124g! Tipper at han er oppe i 130 før kvelden er omme, så det går rett veg:-D Storebror er direkte lubben, kan ikkje være lenge til han har dobla vekta si! Tispe er sånn mitt imellom. Ho var og veldig tunne og skrøpeleg, omend mykje betre enn veslebroren.... Men no ser ho fin ut, og ho eg tipper ho nærmar seg 200g. Skal ta dei på vekta seinare i kveld, og lage vekttabell!

I sekstida reiste eg igjen til veterinæren og behandla dei tre. Gler meg til eg er ferdig; er ikkje så kjekt å stikke i slike små skrottar, men må ein, så må ein! Og kjære vene, kor glad eg er for at "mine" tre veterinærer Gunnar, Olac og Irene stillar so flott opp, og gir meg lov til å ringe til alle døgnets tider<3 Det betyr ufatteleg mykje!

Utover morgonen er det framleis berre velstand. Lillegutt eter fint og er skikkeleg på hugget, og stor er gleda når vekta mitt på dagen viser + 1o gram på ein halve dag!!! Busy verkar og fin. Men så skjer det mindre gode ting:-( Utover dagen begynner det å surkle skikkeleg i pusten på begge hannane. Høyrer det mest når dei et, men og elles. Ny runde til veterinær, der alle tre blir behandla med antibiotika. Utover kvelden tykjer eg og at Busy blir dårlegare igjen. Ho har dårlegare matlyst, blir meir uroleg igjen og har til tidar ujamn pust. Ein blir nok litt halvsprø når ting er slik. Går og observerer og kjenner etter om alt er som det skal. Er redd for å innbille meg ting, men føler jo at det ikkje er tilfellet. Legger meg på flatsenga attmed kvelpekassa - det er stort sett der eg oppheld meg her om dagen - og veit at det blir ny telefon til dyrlegen, dersom ting forverrer seg utover. Elles snakker eg til han i morgon.

Framleis ikkje nokon forandring med lillegutt. Slit med å få han til å ete, og tykjer ikkje han er så veldig pigg. Driv no verkjeleg å tenkjer over om dette er liv laga, eller om det hadde vore bedre å la han sleppe:-0 I tillegg er Busy dårleg. Er uroleg, peser, vandrer rundt, grev, legger seg på rare plasser, er altfor lite oppi kvelpekassa, og har nesten ikkje att mjølk. Ho legg seg greit ned med dei små og let dei suge, men vaskejobben er det no kun Kiwa som tek seg av. Det verkar rett og slett som ho ikkje makter og orker det sjølv. Eg reiser til dyrlege med ho, og bestemmer meg for å ta med lillegutt ut. Så får han hjelpe meg å vurdere om han meinar det er håp for han, for han har fortsatt ikkje lagt på seg.

På venterommet er det fullt av folk, så eg er glad me har førsteprioritet, og slepp inn med ein gong. Me tek da som finnes av blodprøveanalysar, og det viser seg at det einaste utslag er på kvite blodlegemar som er altfor høgt. Tyder på infeksjon, men Busy har ikkje feber no, og har lege stabilt på 38.3-38.7 heile tida etter fødsel. Tek nytt røntgen av magen, for han tykjar muligens livmori verkar vel stor, og er redd det kan være att rester i den, men finner ikkje da. Bestemmer til slutt at ho skal få antibiotikabehandling, i håp om at det vil hjelpe. Så sjekkar han lillegutt, og seier umiddelbart at eg ikkje får lov å gje opp han! Stor overraskelse, for eg var sikker på at han kom til å seie det motsatte.... Men han tykjer her var mykje livslyst, og har tru på at han skal greie seg. Min bekymring om kor svakeleg han er, at huda på magen er omtrent gjennomsiktig og at skjelettet verkar så mjukt at han er bøyeleg i alle retningar, e ting som vil rette seg berre han får litt tid på seg. Han gir han ei sprøyte med vitaminer++ og sendar oss heimatt.

Utover natti er det tydeleg at både han og Busy er betre. Busy får mjølka att, og lillegutt blir mykje kvikare og viser stor matlyst! Syg sjølv, når han får litt hjelp til halde balansen og så må eg passe på at ikkje hine yter han vekk. Det er heilt utroleg, og superdeilig:-))) I tillegg tek Busy sjølv jobben med å stelle dei små, og det medfører at Kiwa trekkar seg tilbake og innfinner seg med at ho no må være meir på sidelinja, som ein bestemor bør!

Hadde elles ordna med barnevakt/ferie til vesle Diva, som nok ikkje heilt får den oppmerksamheit og aktivisering som ho treng for tida. Så eg hadde levert ho med skyss til Ornes, men 3 minutter etter at ho var reiste, ringer hundevakt Susanne, og fortel at ho datt på isen og antakeleg hadde brote armen.... Dermed var det berre å snu, og hente Diva tilbake. Veit ikkje kven som var mest lei seg - Diva, som no må være heime likevel, Susanne som HADDE brukke armen, eller eg, som har litt dårleg samvittigheit for at det skjedde når ho skulle hjelpe meg...

No har lillegutt to gonger sugd sjølv:-D Det gjer meg veldig glad, for før idag har han vore meir uvilleg til å ete frå sprøyta. Håper inderleg at dette fortsetter! Hadde alle tre på vekta ista, store hannen og tispa har lagt på seg 10 gram kvar, mens lillegutt ligg uforandra på 100 g. Håper på bedre resultat i morgon!

Begynte å sjekke temperaturen til Busy allereie på 50. dagen denne gong, sidan det at ho vart para veldig seint i løpetida (eigentleg FOR seint trudde me...) kan bety fødsla kan starte ganske tidleg. Første dagane låg ho og svinga litt mellom 37.8 og 38.5. Men igår (på dag 56, altså 8 veker etter paring) begynte den å krype nedover og låg til slutt på 37.1. Idag har den helde seg låg - hadde ein måling på 36.9 og trudde det var feil, men kanskje det var rett likevel. I alle fall er ho no tydeleg urolig, og det er ikkje lenger nokon tvil om at noko er på gang!

På tide med litt nyhende! Torsdag reiste me til Lillehammer med Kiwa og kvelpane, der me hadde time til veterinæren kl 14. Me køyrde over Sognefjellet - det var snø og vind, men me snakka med brøytekaren, som sa: berre kom! Gjekk heilt greit, og det sparde oss for 1 times køyring, så då var valget klart. Hadde ein lengre pause i Lalm, der me gjekk ein liten skogstur, og ellers kosa oss på ein inngjort fotballbane, der mor og barn sprang rundt og kosa seg i godvèret. Pausen vart og brukt til å plukke ris av pelsen på samtlege, for alle hadde spydd i buret.... Eg gav dei ris og innmat om morgonen, for å være sikker på at dei åt godt før turen.... det var då ikkje så lurt valg, for ris er som kjent veldig, veldig klebete.... og børsten låg att heime! Men, men - da turka utover dagen, og då var da enklare å plukke av.

På veg heim møtte me Daghild på Otta, der dei venta på å møte Diaz. Det var då halvmørkt allerede, og det vart litt stress i og med at me måtte avgårde litt fort for å rekke bommen i Bøverdalen. Så eg gløymde å ta bilde... Men det var veldig kjekt å få følgende mld på mobilen seinare: Hanna (andre hunden deira) og Diaz vart venner allerede i bilen. Vel heime tok dei ein runde og undersøkte plenen. Når me gjekk inn var Diaz først, og ho sjekka uredd heile huset. Både katta Birk og Hanna har godteke Diaz:-) Alt berre bra:-D Ynskjer dei lukke til vidare, og gler oss til å høyre meir!

Så er kvelpane 7 veker gamle, og dagen for levering begynner verkjeleg å nærme seg! Eg slit med valets kvalar, og det påverkar sjølvsagt også dei nye eigarane, som endå ikkje har fått vite hvilken kvelp dei kan få:-o Men det blir avgjort i løpet av denne veke, om det kan være ein trøst.... Me er ute ganske mykje no. Dei elsker da, og når dei er vakne, så er det ikkje lett å komme seg ut døra! Men dei har ikkje fått dreisen på å gå ned trappa sjølv endå, så dei går berre ut til første trinn, og så står dei der og piper. Idag tok me ein runde ned på innmarka, og da vart ein fin runde med dei. Dei begynner å skjønne at dei kan få godis når dei kjem bort til meg, så innkallinga gjekk supert;-)Ellers har dei vore på vekta idag, og me har forsøkt å ta nye bilete. Verst er det med ståbilete. Dei var faktisk ganske samarbeidsvillege idag, men når eg skal stille opp ser eg ikkje korleis dei står. Det medførte at bildene av Diaz ikkje var gode nok. Skal prøve igjen i morgon tidleg. Me har hatt ein del besøk siste veka, og det er god miløjøtrening for dei. Det eg hadde planlagt, men IKKJE fått gjort, er bilturer. Det er pga snøen som kom og øydela for meg. Eg måtte ha nye vinterdekk på bilen min, og dei fekk eg først idag; kunne ikkje ta sjansen og køyre på sommardekk, det er ganske glatt herinne. Men håper eg kan ta ein tur i morgon. Dei har og helsa på 3 nye hunder; to japanske spisshunder og ein border collie. Dea tykte det var litt skummelt, men dei andre tre tykte det var ganske spennande.

Idag har kvelpane vore ute i snøen, og dei storkoste seg! Ville ikkje innatt, og berre sprang og herja, og tykte snø smakte deilig. Dei vart med ein runde ned i redskapshuset vårt, det det er masse rart, og dei undersøkte ivrig alle fire. Så rusla me inn og henta posten. Møtte Emma på Borka på vegen, og då hadde eg litt problem ei stund..... Kvelpane tykte at den store hesten var spennande, og gjekk rett bort; medan hesten var uroleg og ikkje hadde tid til å stå i ro. Ingen god kombinasjon, men Emma fekk snudd hesten, og eg fekk kvelpane med inn i hagen til dei kom forbi. Puh.... I kveld har me forsøkt å teke bilete av kvelpane ståande på eit bord, men det gjekk ikkje so bra. Dette er vanskeleg, dei er lite samarbeidsvillege, og resultatet blir deretter. Men - me får trene vidare!

Forsøkte oss på eit lite bilde ilag, men det var ikkje enkelt..... Det blir for mørkt før eg har hatt nokon til å hjelpe meg med ståbilete ute, så da vart heller ikkje idag! Men dei har i alle fall vore på ein liten oppdagelsesreise. Me tok dei med inn til naboen og hennar pappilon Cim. Det var mørkt når me gjekk inn, men det gjekk kjempegreit. Alle fylgde fint med, og hadde i grunnen berre lyst å leike ute i hagen, heller enn å bli med inn! Men til slutt vart dei med inn. Dei har helst på Cim ein gong før. Det  er heilt greit, og dei var nysgjerrige på han og ikkje redde. Fekk ikkje nokon brukandes bilete, men da kjem kanskje;-) Når me kom ut att fekk dei skive med lungemos, og da var godt!

Igår var kvelpane 6 veker gamle. Eg var ein snartur til Danmark i helgi, og kom att til ein glad og livleg gjeng kl 6 om morgonen; kjempekjekt! Det har diverre ikkje blitt teke nye bilete endå; me har vore ganske opptekne med å forberede årets 4H-fest, der mine 4 yngste er med. Denne siste veka, før prosjektene skal vurderast og stillast ut, er alltid hektisk, men i år vart det nok ekstra ille:-o Det har ikkje blitt teke stå-bilete av dei små; det krev ein medhjelper til å stå bak kamera, og det har eg ikkje hatt medan det var dagslys. Får best bilete utandørs, så eg satsar på da. Håper me får da til i løpet av morgondagen.... Men eg tok dei på vekta i aftes, og fekk og teke ein ny runde med klotanga.

Her kjem litt nye bilete idag og. Eg reiser ein liten snartur til bursdagsfeiring i Danmark, så no vert ikkje det noko nytt her før etter helgi. Alt er fortsatt berre bra. Kvelpane er no ute eit par gonger for dagen, der dei spring rundt i hagen og har det kjekt på oppdagelsesferd! Sidan dei ikkje lenger er so glade i oppbløytt kvelpefòr, får dei no maten tørr, og da liker dei mykje betre. Så får eg forsøke å variere litt, slik at dei et, sidan me likssom driv med avvenning frå mori:-o

Ny fotoseanse i hagen idag. Fekk i hvert fall litt betre bilete av Diva og Dea. Fortsatt ikkje fornøgd, men det er jo det som er so kjekt med digitale kamera - det er berre å prøve igjen! Medan me var ute, kom isbilen forbi. Og akkurat i det augeblikk den passerte hagen sette han på musikken for fullt:-o Kvelpane vart ganske forskrekka ja, men kom pilande til meg og ville opp i fanget:-) Gjekk ikkje lengre stunda før dei hadde gløymt da att.

Så er kvelpane 5 veker gamle, og idag har dei vore ute ein liten tur, for allerførste gong. Sola heldt på å reise når dei kom ut. Me har sol berre ein times tid no, så det er ganske kjølig om dagen, og kuldegrader om natti. Så me kjem ikkje til å være lenge ute, men dei er no såpass store no, at det er greit å utvide området litt. Dei var litt småskeptiske nett i starten, men snart for dei rundt og undersøkte verden, og leika litt. Eg hadde med kameraet og tok 200 bilete; nokon få vart bra, men er jo fortsatt ikkje fornøyd.... Så det vert nok ny fotoseanse i morgon;-) Dei er no forhåndsregistrerte i NKK, og dermed og forsikra. Dei har fått endå ein ormekur, og endå ein kloklipp. Eg har no fått meg briller, så det var betrakteleg enklare å klippe no:-) Dei får sine 4 måltider for dagen. Favorittmåltidet er utan tvil ris med oppmalt innmat. Skive med leverpostei er og ok; kvelpefor er ikkje lenger so spennande, men går til nøda an, dersom dei er godt svoltne. Og så er jo mamma der, med temperert, deilig mjølk!! DET er godt, det! Dei har vore på vekta og har lagt på seg mellom 270 og 355 gram siste veka.

Så er kvelpane 4 veker gamle, og det begynner å bli meir liv no - og meir lyd!! Når dei er vakne, gir dei no høylytt beskjed om at det ikkje er noko gøy å være i kvelpegrinda.....Dei vil no ut og utforske verden, og det får dei sjølvsagt lov til når det er folk i huset. Men når dei er aleine, er det veldig trygt i grinda, der det ikkje finnes ting å skade seg på. Dei får no 4 måltider for dagen: 2 med kvelpefor, eit med brødskive m leverpostei, og eit anna som kan være graut (som ikkje lenger er populært, og difor er på veg ut av menyen) eller ris med litt hakka innmat. Dei et godt, legger rikeleg på seg, men er fortsatt fæle å henge på Kiwa så snart sjansen er der... Igår var det vegedag, så her er tabellen. Fekk teke hodebilete idag tidleg - er ikkje heilt fornøgd med Diaz sitt, skal prøve å få teke nytt idag. Og så må me få til ståbilete og!!

Igår fekk kvelpane graut for første gong. Det åt da no, men da e vel ikke tvil om at kjøttdeigen fallt betre i smak.... I morgon kjem dei til å bli introdusert for litt oppbløytt kvelpefòr; så får me sjå korleis dei liker da! Dei fekk også sin andre ormekur igår. Ellers så har dei no flytt inn i stova, og eg har sett opp kvelpegrind, slik at dei no kan gå ut av kassa.

Kvelpane sitt første graut/velling-måltid!

So har kvelpane blitt 3 veker gamle. Ei heil veke har gått, utan oppdatering og nye bilete, og det er for dårleg!!! Eg må skjerpe meg:-o Men dagane går so altfor fort, og ofte vert det seine kvelden før eg får sett meg ned med PCn, og så er det ofte energien er borte.... Men eg skal prøve å bli flinkare! Det er so kjekt no, mykje liv og røre i kvelpekassa, og me storkoser oss alle. Igår fekk dei sitt første måltid; det var karbonadedeig, og alle tykte det var deilig, når dei fekk tenkt seg litt om. Idag var det same menyen; i morgon kjem dei til å få eit måltid graut og, og slik vert det sakte men sikkert auka på til 4 små måltider for dagen i løpet av kommande veke. Eg har no avis i botnen av knapp halve kassa, og kvelpane er allerede flinke til å gå og tissa på dei. Kiwa tek seg fortsatt av det meste av reingjeringsjobben, men snart må dei fikse dette meir og meir sjølv... Idag var det vegedag, og her er resultata:

No er kvelpane 2 veker gamle, og det er på tide med ein oppdatering! Dei siste dagane har det skjedd ein del i kvelpekassa: dei har fått ørsmå auge alle saman, øyrene ligg ikkje lenger klistra bakover, men begynner no å likne litt på sheltieører, og dei er meir aktive! Når Kiwa kjem opp i kassa til dei, begynner dei straks å forsøke å reise seg på ustøe bein, og "gå" mot ho. Dei forsøker til og med å stå og suge, men det går absolutt ikkje og dei velter omkull. Sist, men ikkje minst: dei har fått namn:-D Hannen heiter Smedhaugens Disco Dancer, og vert heretter kalla Disco. Tispe 1 heiter Smedhaugens Dea Darling og vert kalla Dea. Tispe 2 heiter Smedhaugens Diamond Diaz og vert kalla Diaz, og til slutt tispe 3: Smedhaugens Daydream Diva - heretter kalla Diva. Har teke bilete av alle, men er ikkje fornøyd med dei av Diaz og Dea. Men det får halde enn så lenge, skal prøve å få teke bedre hodebilete ganske snart! Dei et fortsatt godt, men søv i lengre perioder no, der Kiwa no går framom kassa. Alle legger fint på seg, som de ser av vektskjemaet.

Så er kvelpane 10 dagar gamle. Alle har no dobla vekta si; dei er skikkeleg runde og gode der dei ligg. Dei søv no i lenger periodar, og Kiwa er litt meir framme frå kassa, men fortsatt er ho alltid med dei når det er roleg i huset. Skjer det ting, kjem ho gjerne inn til oss for å sjå om det er noko interessant; viss ikkje går ho ut til dei igjen. Kvelpane har no fått klippt klørne for første gong; ikkje lett!

Bakerst hannen, så tispe 1 i midten, tispe 2 under og tispe 3 fremst.

Så er det allereie ei veke sidan kvelpane vart fødde! Dette vart feira med ein cm Banminth-pasta (=ormekur) til kvar kvelp + 14 cm til Kiwa;-) Kvelpane tykte det var heilt greitt, og Kiwa fekk sitt på ein bit fårikålkjøtt, og kunne gjerne teke endå meir, servert på denne måten i alle fall! Elles har både hannen og tispe 3 dobla vekta si på første veka; det er bra. Tispe 1 manglar 70 g, og tispe 2 manglar 110 g på å gjere da sama. Tispe 1 er nok omtrent i mål i morgon, medan tispe 2 nok må ha endå ein dag - men så var ho svær og! Elles er da ikkje so mykje nytt og fortelja. Eg tykjar kvelpane er utruleg jamne og fine; kjempeflinke å suge, ingen som treng noko spesielt tilsyn eller hjelp. Eg er no byrja å jobbe igjen, men har ein veldig fleksibel jobb, noko eg utnyttar veldig når eg har kvelpar. Eg ser dermed for meg, at eg kjem til å ta ein økt på morgonen, være heime med dei små midt på dagen, og så ta ein økt om kvelden -då er ongane heime og kan passe på både store og små hundar:-) Dei neste par vekene er vel erfaringsmessig ganske rolege og greie, men så aukar da raskt på med meir arbeid med dei små framover:-o

Så er helgi over og kvelpane er nesten ei veke gamle. Kiwa er fortsatt i kassa med dei nesten heile tida, og kjem berre inn for å sjå om det er noko spiseleg i sikte..... Alle legger fint på seg, og vektskjemaet vert oppdatert i morgon. Men litt nye bilete kjem her:-)

Har nettopp hatt dei små på vekti. Alle veks bra, og legger på seg frå dag til dag. Såg at eg skreiv feil på eine bildet i går, for da med 2 kvelpar på, er ikkje tispe 2 og 3, men tispe 3 til venstre og hannen til høgre. Dermed kjem det nytt bilde av tispe 2 idag! Storesøster Busy, som forrige gong Kiwa hadde kvelpar, fekk komme opp i kassa allerede dagen etter dei vart fødde, har denne gong vore forvist til behørig avstand. Dette godtok ho greit. Når me var derinne ville ho gjerne litt lenger fram, og lukte litt på dei små, men når Kiwa var aleine, gjekk ho berre såvidt inn for døri. No har ting roa seg igjen, og når eg vog kvelpane isted, var Busy plutseleg kommt heilt oppi kassa, utan at eg hadde registrert da, og det såg greitt ut for Kiwa. Busy er veldig interessert i dei, men dei er og litt skumle, og ho tenkjer nok ikkje tanken eingong, på å være med å stelle dei.... Men eg vil tru ho blir ein ivrig leiketante når den dag kjem:-)

3 dagar gamle! Har litt nye bilete idag, elles er det vel ikkje so mykje nytt å fortelje. Dagane går med til eting og soving. Kiwa er i god form. Har heldigvis ikkje fått diarè denne gongen, så det var nok lurt å lure vekk to morkaker (sjølv om ho var på hugget og gjerne ville hatt dei...). Kiwa har fått ein del havresuppe med eggeplome, men det er no ikkje lenger so freistande, så framover blir da mest kvelpafòr på menyen. Ho ligg i kassa med dei små nesten heila tid, men kjem inn til meg, når ho høyrer eg er på kjøkkenet - har nok eit håp om at det vanker noko ekstra, for ho har skikkeleg matlyst. Og da gjer da nok rett som da e....

Så er kvelpane to dagar gamle og alt går berre bra. Dei er flinke å suge alle fire, og sjølv om tabellen viser at to av dei har lagt meir på seg enn dei andre to, så er det ingen som har problem med å få godt tak, og å halde fast. Eg er sjølvsagt oppmerksam på om alle får, og det ser bra ut. Kiwa har mjølk, og det er kjempekjekt å sjå dei små halane som rister godt når mjølka flyt:-D Siden alle dei to-beinte i huset er utslegne av feber mm, så vert det ikkje nye bilete idag. Men skal prøve å komme sterkare tilbake i morgon;-)